Flytur Björgólfur áramótaávarpið?

Véfréttinni í Delfí hefur verið mikið niðri fyrir síðustu daga.  Hofgyðjur hafa túlkað þetta svo að yfirvofandi sé að bissnessmaður í teinóttu að nafni Björgólfur ætli að fá eitthvað fyrir snúð sinn hjá Páli útvarpsstjóra, og flytja ávarpið á gamlárskvöld. 

Þessi teinótti keypti vænan bita af RÚV af Páli nýlega, mun hann hafa keypt m.a. hádegis-og kvöldfréttir, svo og morgunleikfimina.  Markmiðið með flutningnum mun vera, samkvæmt véfréttinni í Delfí, að reyna að öðlast virðingu.

Þá segir véfréttin að verið sé að leggja á ráðin um sölu dómstólanna, m.a. til að auðvelda endurupptöku mála og dóma sem lengi hafa verið meira og minna tóm vitleysa. 

En verða bara ekki allir guðslifandifegnir?  Þessi ávörp hafa verið það alleiðinlegasta sem sögur fara af og fær fólk hroll þegar á þau er minnst.

Athugasemdir

[Brjánn Guðjónsson, 26.12.2007 kl. 01:10]

Það virðist hlýtt milli Palla og þess teinótta. Hver ætli hreppi hnossið að fá að auglýsa í miðju kaupi? Skyldi það hafa verið ákveðið fyrir löngu?

[Viðar Jónsson, 26.12.2007 kl. 09:47]

Já, það verður fróðlegt að sjá það.